"Nilu" familia osoarentzako diziplina anitzeko proposamena da, zirkuko arteak magiarekin, objektuen antzerkiarekin eta zuzeneko musikarekin uztartzen dituena. Istorioaren ardatza izaki maitagarri bat da, ura ondasun urria eta preziatua den mundu batean bizi dena. Narratiba bisual eta hunkigarri baten bidez, protagonistak erronkaz eta aurkikuntzaz betetako odisea bati ekiten dio. «Eztarria lehortu eta bihotza bustitzen duen» bidaia, publikoarengan kontzientzia-arrasto bat utziz.
